طريقة عمل الملوخية الناشفة الصعيدية شلولو
طريقة عمل الملوخية الناشفة الصعيدية شلولو هي من المطبخ الصعيدية تمتاز بطعم جيد ومذاق لا يقاوم، إحنا النهاردة هنقولكم الطريقة الصح بتاعت الشلولو أول حاجة لازم نجهز المكونات دي الاول.
المكونات
- نص كيلو ملوخية ناشفة ودي بنشتريها من عند البقال أو ممكن أحنا نشترى ملوخية خضرا وننشفها براحتنا
- حبتين طماطم
- فص توم مهروس
- ملح وبهارات
- فراخ أو لحمة أو ممكن نعملها من غير أي لحمة أو فراخ
طريقة التحضير
أول حاجة نحط نص فص التوم المهروس مع معلقة زبدة أو سمنة بلدى وأول ما ما يبقا التوم دهبي نحط حبتين الطماطم نعصرهم في الخلاط وبعدين نحطهم على التوم الدهبي ونقلب لحد أما الصلصة تتسبك كويس
ننزل باللحمة أو الفراخ بتاعتنا في الصلصة ونحط مياه مناسبة والملح بتاعنا ونغطى على الحلة لحد أما اللحمة أو الفراخ يستوا كويس
بعد كده نشيل اللحمة من الشوربة ونتأكد إن ملحها مظبوط ع الاخر ننزل بالملوخية الناشفة في الشوربة ونقلب تقلبتين وبعد كده نشيلها من على النار
بعد كده نجيب نص فص التوم المهروس ونحط الزبدة ورشة ملح وبهارات ولما تبقا لونها دهبي ننزل بيها بسرعة على حلة الملوخية ونغطي، بعد كده نقلبها ونقدمها في الطبق ونكلها بالعيش والمخلل أو السلطة
وكمان ممكن نعمل جمب الملوخية الناشفة رز بالشعرية وبالهنا والشفا
تعليقات
إرسال تعليق